Шевченко купува фудбалски клуб во Италија

Поранешниот украински фудбалер и легенда на Милан, Андреј Шевченко во моментов е во преговори околу купувањето на фудбалскиот клуб Пескара.

Според италијанските медиуми, Шевченко треба да се сретне со претседателот на Пескара за да се договори за купување на најголемиот дел од акциите на клубот.

Овој клуб моментално игра во Серија Ц, односно трет ранг на италијанскиот фудбал и успеа да се пласира во плејофот за пласман во Серија Б.

Шевченко со успех ја водеше репрезентацијата на Украина, а потоа имаше неуспешна епизода на кормилото на Џенова, а сега е без ангажман.