Германската репрезентација не блескаше на последниот подготвителен натпревар пред Светското првенство. „Панцерите“ со многу мака го совладаа Оман со 1:0, голот го постигна резервниот напаѓач Никлас Фулкруг на десет минути пред крајот на натпреварот.
Сепак, по натпреварот во центарот на вниманието се најде младиот напаѓач на Борусија Дортмунд Јусуфа Мукоко.
До кога ќе дишеме отровен воздух!? | Уште еден поткаст
Имено, младиот центарфор на Борусија Дортмунд се најде во стартниот состав на избраниците на тренерот Ханси Флик и на тој начин дебитираше за националниот тим.
Со 17 години и 361 ден, Мукоко стана најмладиот дебитант во германската репрезентација по легендарниот Уве Зелер, кој за репрезентацијата дебитираше 16 дена помлад, на Светското првенство во 1954 година, каде Германците го освоија светскиот шампионат.
Западна Германија во финалето ја совлада Унгарија со 3:2, иако во групата загуби со убедливи 8:3 од истата репрезентација.
Учество во игри на среќа е дозволено за лица со 18+ години. Играј одговорно!