„Чудните“ методи на Пирло ги збунија играчите на Јувентус

Раководството на Јувентус ова лето го зачуди фудбалскиот свет кога реши тренерското столче да му го додели на Андреа Пирло, кој претходно немаше ниту ден тренерско искуство.

Тренерската авантурата на Пирло во Јувентус не започна на најдобар начин, а италијанските медиуми откриваат дека имал несекојдневни методи на работа.

За фудбалерите на Јувентус е необично што Пирло не зборува со нив за тактика, туку го праќа неговиот заменик Игор Тудор, а за време на мечевите задолжен за инструкциите е вториот помошник Роберто Баронио. 

Пауло Дибала и Дејан Кулушевски се посочени како фудбалери што не разбираат што сака тренерот од нив на теренот, а слична ситуација е и со другите фудбалери, особено во средниот ред.