ЕМИЛИАНО МАРТИНЕЗ повторно е херојот на Аргентина. Голманот на шампионот на Јужна Америка и светот одбрани два пенали во пенал серијата во четврт-финалето на Копа Америка против Еквадор (1:1).
Аргентина поведе во регуларниот дел со голот на Лисандро Мартинез во 35. минута. Најдобрата шанса за израмнување ја имаше Еквадор во 62. минута, но Енер Валенсија од белата точка ја погоди стативата. Во судиското продолжение Кевин Родригез израмни за 1:1.
Франција без гол до полуфинале, таму ја чека разиграната Шпанија! ↓↓↓
Следеа пеналите во кои прв стрелаше Лионел Меси. Се обиде со паненка, но топката ја погоди гредата. Но, Мартинез повторно доминираше кога беше најпотребно. Тој ги одбрани првите два пенали на Еквадор, кои ги изведоа Анхел Мена и Алан Минда. Сите други играчи постигнаа гол, но голманот на Аргентина и донесе капитална предност на својот тим на почетокот на серијата.
Мартинез има неверојатен рекорд за пенали во репрезентацијата. Од 24 пенали, само 12 завршија со топката во неговата мрежа. Одбрани дури 9 удари од 11 метри. Два завршија околу неговиот гол, а еден во неговата рамка.
Учество во игри на среќа е дозволено за лица со 18+ години. Играј одговорно!