Изгледа денес е ден за отстранување на некои големи дилеми, по потврдата за заминувањето на Арсен Венгер, добиваме и одговор на уште едно големо прашање – ќе игра ли Златан Ибрахимовиќ на Светското првенство во Русија?
Ибрахимовиќ неодамна на големо зборуваше за можностите да настапи на Мундијалот, дури и најави дека има големи шанси да настапи, а денес по повод ова прашање зборуваше човекот кој одлучува, селекторот на Шведска.
Пред дербито, падна најважниот потпис во Манчестер Сити! ↓↓↓
Селекторот на Шведска, Андерсон потврди дека Златан сигурно нема да биде во Русија како репрезентативец на Шведска.
„Не, апсолутно не! Тој веќе кажа дека нема да игра и се договоривме. И другите играчи кои се простија од репрезентацијата не се во плановите за Мундијалот. После Европското првенство во Франција заедно со Златан се простија уште неколку играчи и тоа го почитувам. Не можам да ги разберам гласините во медиумите и она што Ибрахимовиќ го зборува“, изјави Андерсон.
Да потсетиме, Шведска без Ибрахимовиќ е се избори за настап на Мундијалот и тоа откако во баражот ја исфрли Италија.
Учество во игри на среќа е дозволено за лица со 18+ години. Играј одговорно!