„Чистка“ во Реал: Три ѕвезди ги спакуваа куферите

Капитенот на Реал Мадрид, Марсело го известил раководството дека сака да го напушти клубот, пренесуваат шпанските медиуми.

Марсело има договор со „кралевите“ до крајот на сезоната, но го замилил Реал да му дозволи да замине во јануарскиот преоден рок.

33-годишниот лев бек кариерата ќе ја продолжи во Бразил, каде за неговиот потпис се борат Флуминенсе и Ботафого.

Претседателот на Реал, Флорентино Перез нема намера да му застане на патот на Марсело и е спремен да го пушти во јануари.

Реал сака да се ослободи од неколку фудбалери кои земаат големи плати, па на крајот на сезоната сигурно ќе си заминат Иско и Герет Бејл, на кои им завршува договорот со „кралевите“.