Чиле или Перу: Кој ќе оди во големото финале?

Вториот полуфинален натпревар од Копа Америка ќе се игра помеѓу Чиле и Перу и слободно може да кажеме дека ниту едните, ниту другите ги очекувавме овде. Овој натпревар е закажан за вечер во 02:30 после полноќ.

Чиле: Фантастичен турнир!

Иако Чиле два пати по ред го освои ова првенство, малку се луѓето кои очекуваа дека оваа селекција ќе стигне толку далеку и оваа година. Имено, евидентно е дека повеќе не е таа селекција, бидејќи цела година беа надвор од форма, но рака на срце им се наредија коцките. Чиле оствари две лесни победи во првиот дел, а потоа на последниот натпревар во групната фаза доживеаа пораз од Уругвај. Во ¼ финалето ја елиминираа Колумбија, селекцијата која прикажа фантастични партии фудбал. Во тој дуел, Чиле исклучително паметно се постави и цело време чекаа контра напад.

Перу: Ова никој не го очекуваше!

Мора да признаеме дека сме изненадени од тоа дека Перу стигна толку далеку на овој турнир, па дефинитивно и ја заслужија титулата најпријатното изненадување на овој турнир. Интересно е дека Перу имаше доста сличен пат до ова полуфинале како и денешниот противник. Се започна со реми против Венецуела, па потоа ја победија Боливија на најважниот натпревар за нив и веќе за крај на групната фаза следеше катастрофалниот пораз од Бразил со 5-0. Во ¼ финалето ги пречека Уругвај кој секако беше фаворит на тој дуел, но Перу успеа да направи сензација и да се пласира во ½ финалето од ова натпреварување.