Челзи ја „краде“ големата желба на италијанските гиганти

Челзи се вклучи во трката за потписот на дефанзивецот на Торино, Глеисон Бремер.

24-годишниот Бразилец игра одлична сезона и се етаблираше во еден од најдобрите дефанзивци во Серија А.

Бразилецот неодамна го продолжи договорот, но јасно е дека Торино нема да може да го задржи на лето.

Интер и Јувентус силно го посакуваат дефанзивецот, но сега во трката се вклучи и Челзи и е спремен да го „украде“ пред носот на италијанските гиганти.

Приоритет на „сините“ во летниот преоден рок ќе биде доведување на дефанзивец и веруваат дека Бремер ќе биде идеална замена за Рудигер.

Челзи е спремен да понуди 35 милиони евра за да ја победи конкуренцијата и да го добие потписот на Бремер.