Челзи спреми 60 милиони за најбараниот дефанзивец!

Според информациите на англиските медиуми, Челзи е подготвен да плати 60 милиони евра за Вирџил ван Дајк од Саутемптон.

„Дејли Експрес“ тврди дека Антонио Конте пресекол и откако не успеа да го доведе Леонардо Бонучи, се насочува кон одличниот стопер на Саутемптон.

Ван Дајк се наоѓа на мета на манчестерските клубови, но и на Ливерпул. Со оглед на тоа дека за него интерес покажуваат Пеп Гвардиола, Јирген Клоп и Жозе Мурињо, нема сомнеж дека тој оваа зима ќе заврши во некој голем клуб.

Ван Дајк дефинитивно е најбараниот дефанзивец во моментов и неговата цена вртоглаво расте. Сега останува да видиме кој клуб ќе победи во траката за неговиот потпис, но „сините“ веќе спремиле понуда од 60 милиони евра.