Челзи спреми 25 милиони за откритието од Серија А

Франк Кесие е најголемото откритие оваа сезона во Серија А и со своите одлични партии за Аталанта го привлече вниманието на многу европски гиганти.

20-годишниот репрезентативец на Брегот на Слоновата коста е на мета на многу еврипоски гиганти, но медиумите тврдат дека Челзи е во пол-позиција за неговиот потпис.

Овој универзален играч за врска кој може да игра на сите позиции во средниот ред оваа сезона веќе има постигнато 6 гола за Аталанта и сигурно важи за еден од најголемите таленти на светскиот фудбал.

Во Италија веќе го нарекуваат „новиот Јаја Туре“, а Челзи е спремен да ја победи конкуренцијата со понуда од 25 милиони евра.

Таа сума ќе ги задоволи челниците на Аталанта па за очекување е за брзо време трансферот да се комплетира, а можно е играчот да остане на позајмица во Италија до крајот на сезоната.