Челзи го наградува Палмер со нов договор

Младиот Кол Палмер блеска оваа сезона во дресот на Челзи и се етаблираше во еден од најдобрите играчи во Премиер лигата.

Палмер пристигна минатото лето од Манчестер Сити, но набрзо стана лидер во тимот и оваа сезона е најдобар поединец во Челзи.

Поради тоа раководството на „сините“ сака да го награди со нов договор и ќе му понуди двојно повисока плата, пренесуваат медиумите на Островот. Имено, Палмер моментално заработува 75.000 фунти неделно, а со новиот договор ќе добие 150.000 фунти.

Палмер оваа сезона настапи на 37 меча, а притоа постигна 16 голови и 12 асистенции во сите натпреварувања.