На поранешниот македонски селектор Чедомир Јаневски му оди одлично во АЕЛ Лимасол откако дојде во овој клуб пред еден месец.
Во досегашните четири прволигашки натпревар АЕЛ со Јаневски на клупата освои 10 од можни 12 бодови. Дебитираше Јаневски во ремито без голови против гигантот АПОЕЛ, а сега врза три победи во низа, прво Омонија, па Карамиотиса и вчера Неа Сламис.
Диск голф го освојува светот, а го нема во Македонија!? ↓↓↓
Кога дојде во клубот АЕЛ беше на дното, а сега е на чекор да влезе во првата шесторка во лигата. Сепак и покрај ваквите работи има работи од кои Јаневски не е задоволен.
„Имаме проблеми во нападот. Севкупно имаме постигнато шест гола и не сум задоволен како играме напред, потребна ни е поголема самодоверба и менталитет во нападот, така мислам дека ќе дојдат и головите. На тренинзите на тоа најмногу работиме. Со Неа Сламис имавме малку шанси, но постигнавме гол“, изјави Јаневски.
Во кариерата на Јаневски, АЕЛ е негов четврти клуб, а беше тренер уште на Енизис Параламини, Етникос Ахна и Олимпијакос од Никозија.
Учество во игри на среќа е дозволено за лица со 18+ години. Играј одговорно!