Чави: Критиките од Марадона за Меси не се фер, тој и понатаму ќе напредува

Поранешниот фудбалер на Барселона, Чави Ернандез е импресиониран од настапите на својот поранешен соиграч Лионел Меси.

Чави повеќе од десет години играше заедно со Меси во Барселона, верува дека се уште не сме го виделе најдобро издание.

„Меси и понатаму напредува, развива нови квалитети и покажува нови способности. Тој е друга планета, имаме среќа што го гледаме секоја недела во Барселона каде што игра веќе 14 години и се надеваме дека тоа ќе потрае“.

„Верувам дека ќе се врати во репрезентацијата на Аргентина, бидејќи го познавам и секогаш сака да се натпреварува и кога ќе има време да размисли сигурен сум дека ќе се врати“, изјави Чави.

Потоа Чави зборуваше и за критиките на Марадона упатени кон Меси.

„Критиките на Марадона не беа фер, фудбалот многу се промени во однос на неговото време“, истакна Чави.