Чави: Знам како се освојуваат трофеи, доаѓам да го пренесам моето искуство

Денес Барселона го претстави Чави пред медиумите како нов тренер.

Долгогодишниот капитен на Барселона се врати од Катар и го прифати тешкиот предизвик да ја води Барселона во овој момент кога многу работи не се како што треба.

„Подготвен сум, целиот мој живот сум сакал предизвици и ова сигурно дека е еден голем предизвик за мене и ќе се обидам да одговорам максимално. Благодарен сум на навивачите за поддршката која ми ја даваат овие денови. Се надевам дека можам да возвратам на вистински начин и заедно ќе победуваме. Не чека долг процес, меѓутоа очекувам набрзо да покажеме први знаци на напредок“.

Бускетс, Пике, Алба, Тер Штеген и Серхи Роберто беа негови соиграчи во Барселона.

„За мене тоа ќе биде предност, затоа што ги познавам. Сепак и тие знаат дека нема да има попуст за никого, без разлика дали и колку сум бил близок со некого во минатото. Верувам во потенцијалнот кој го има овој тим, доаѓам да го пренесам моето искуство затоа што знам како се освојуваат трофеи“, изјави Чави.