Херојот на Барса победничкиот гол во дербито го прослави пред – македонското знаме!

Барселона вчера со 1:0 славеше во дербито во Ла Лига против Атлетико Мадрид, а човек на одлука беше Португалецот Жоао Феликс.

Токму фудбалерот кој е на позајмица од Атлетико го сруши својот поранешен тим, меѓутоа при неговата прослава на голот беше забележан еден интересен момент.

Феликс се качи на рекламите ги рашири рацете и застана точно пред македонски фанови кои имаа знаме со „сонцето од Кутлеш“ и транспарент на кој пишуваше „Фан клуб Струмица“.