Хаос на Маракана: Српски навивач маскиран во обезбедување го украде знамето на Црна Гора, па настана вистински хаос

Србија ја победи Црна Гора (3:1) на Маракана во соседното дерби со голем влог – пласман на ЕП.

Затоа околу мечот имаше големи тензии, а имаше и илјада црногорски навивачи кои дојдоа во Белград со автобуски конвој.

Откако Србија го постигна вториот гол во 73. минута, славјето на домашните и тагата на гостите го искористи еден српски навивач кој се преправи во обезбедување. Со безбедносен маркер се прикраде до оградата од кафезот на гостинските навивачи и оттаму им го украде знамето.

На тоа Црногорците возвратија жестоко. Кршеа столчиња и ги фрлаа кон српските навивачи на трибините, но и на теренот.

Навивачите на Србија возвратија извикувајќи „Шиптари!“. Така ги навредуваат Црногорците затоа што во таа држава живеат многу Албанци, а припадниците на тој народ играат за Црна Гора.

Набргу гостинските навивачи беа опколени од бројни припадници на интервентната полиција, но Црногорците не се смирија. Напротив, со факели гаѓаа и српски полицајци. Тие сепак успеаја да ги смират дивите Црногорци со тоа што го фатија крадецот на нивното знаме и им го вратија.