Хамес започна преговори со два европски гиганти

Хамес Родригез минатото лето се врати во Реал Мадрид, но не е во плановите на Зинедин Зидан, па „кралевите“ го ставија на трансфер листа.

Колумбиецот ова лето сигурно ќе ја промени средината, а интерес за него покажуваат неколку клубови ширум Европа.

Последните информации говорат дека неговиот агент Жорге Мендеш веќе започнал преговори и тоа со два европски гиганти.

Мендеш веќе остварил средби со претставници на Манчестер Јунајтед и Јувентус, но преговорите моментално се во прекин поради пандемијата и ќе продолжат на лето.

„Кралевите“ преферираат Хамес да го избере Манчестер Јунајтед за да можат да го вклучат Колумбиецот како дел од трансферот на Пол Погба.