Халанд оптимист: Ќе го победиме Ливерпул 3:1, јас ќе ги дадам сите три гола!

Ливерпул вечерва му гостува на Салцбург во последното коло од Лигата на шампиони и тој натпревар ќе одлучи кој ќе оди во следната фаза.

Напаѓачката сензација и прва ѕвезда на Салцбург, Ерлинг Халанд е пол со самодоверба пред мечот и изјави дека ќе му даде три гола на европскиот шампион.

„Ќе победиме 3:1. Јас ќе ги дадам сите три гола“, храбро изјави Халанд пред мечот.

Не е ни чудо што овој 19-годишник има голема самодоверба со оглед на фактот дека оваа сезона на 21 натпревар постигна 28 гола. Во Лигата на шампиони е втор стрелец со осум гола на пет меча.