Халанд не заборава: За навредливата песна на Кукуреља му врати уште во првиот натпревар 🎥

Eкипата на Манчестер Сити со гостинска победа против Челзи ја започна новата сезона во Премиер лигата, а во овој натпревар видовме интересна ситуација помеѓу Ерлинг Халанд и Марко Кукуреља.

Откако Шпанија го освои Европското првенство вирална стана песната која фудбалерот на Челзи ја пееше за напаѓачот на Манчестер Сити во кој тврдеше дека ништо не му може.

Очигледно Халанд таквиот потег на Кукуреља не го прифатил баш најдобро. Во вчерашниот натпревар во 80. минута Кукуреља лежеше на теренот жалејќи се на грч во ногата, а тогаш до него помина Халанд.

Норвежанецот не само што не му помогна, туку ладнокрвно го „поздрави“ со насмевка додека помина веднаш до него.