Веќе од поодамна се пишува дека Антоан Гризман би можел да го напушти Атлетико Мадрид ова лето и да се пресели во редовите на Барселона.
Каталонски „Спорт“ сега пишува дека одредени фудбалери на Барселона се погрижиле трансферот да биде убрзан и навистина Гризман да заврши на „Камп Ноу“.
Вардар, Работнички, Силекс, Шкендија – Кој ќе блесне во Европа!? ↓↓↓
Наводно неколку ѕвезди на Барселона биле воодушевени од идејата дека во екипата може да им се придружи Гризман и започнале на Французинот да му испраќаат пораки со цел да го убедат да ја избере Каталонија за негова наредна дестинација.
„Спорт“ прцизираше дека Гризман добивал пораки преку апликацијата „WhatsApp“ и дека во главно содржината била – „дојди во Барса!“.
Барселона изгледа не ќе мора долго да чека да ја слушне одлуката на Гризман дали сака да го напушти Атлетико, бидејќи Французинот истакна дека сака неговата судбина да биде решена пред почетокот на Мундијалот.
Од друга страна Атлетико има понуда со која би го направиле Гризман најплатен играч во историјата на овој клуб, но не е познато дали таа понуда ќе биде доволно примамлива да го задржи Французинот во главниот град на Шпанија.
Учество во игри на среќа е дозволено за лица со 18+ години. Играј одговорно!