ФОТО: Јеовил по натпреварот „го пецна“ Санчез

Чилеанскиот репрезентативец, Алексис Санчез синоќа дебитираше во дресот на Манчестер Јунајтед, а по натпреварот беше прогласен и за играч на мечот.

Неговиот Манчестер Јунајтед го победи Јеовил со 4:0 во рамките на ФА Купот, а Алексис запиша една асистенција за 72 минути поминати на теренот. По натпреварот, Чилеанецот беше прогласен за најдобар играч, но тоа не му се допадна на Јеовил, а овој клуб преку Твитер се огласи за тоа:

„Алексис Санчез е прогласен за најдобар играч на натпреварот. Не сме сигурни кој тоа го избра, но тоа е комерцијално донесена одлука, ако воопшто и се смета како точна“, напиша Јоевил.

Рака на срце, Алексис исто така имаше и неколку лоши потези и не одигра особено добар натпревар, но сепак запиша асистенција за голот на Ерера и освен тоа учествуваше во акцијата на првиот гол и може да се смета дека влијаеше на голот на Рашфорд. Потсетуваме, Санчез во Јунајтед пристигна пред неколку дена од Арсенал, а прилика за деби во Премиер лигата ќе има во среда кога „Црвените ѓаволи“ им гостуваат на Тотенхем.