ФИФА одлучи: Најголемото дерби во червртфиналето за Мажиќ, Кјуперс ќе и суди на Англија

ФИФА ги одреди судиите за четвртфиналните натпревари на Мундијалот.

Денес и утре се слободни денови на Светското првенство во Русија, а потоа започнуваат четвртфиналните пресметки.

ФИФА денес и официјално ги одреди лицата кои ќе ја делат правдата на овие средби.

Србинот Милорад Мажиќ ја доби честа да го суди најголемото дерби во четвртфиналето помеѓу Бразил и Белгија кое се игра во петок со почеток од 20:00 часот.

Аргентинецот, Нестор Питана ќе го суди натпреварот кој се игра истиот ден нешто порано помеѓу Франција и Уругвај.

Холанѓанецот Бјорн Кјуперс ќе ја дели правдата на европското дерби помеѓу Англија и Шведска, додека правдата на натпреварот помеѓу Русија и Хрватска ќе ја дели Бразилецот, Сандро Ричи.