Финансиската моќ на дело: Автобусот на ПСЖ празен ќе помине 3.600 километри

Фудбалерите на ПСЖ со авион се упатија за Лисабон каде што утре ќе се сретнат со Бенфика во рамките од Лигата на шампионите.

Пред овој натпревар се појави една интересна информација која само уште еднаш ја докажува финансиската моќ на клубот од Париз. Имено, клупскиот автобус на ПСЖ ќе помине цели 3.600 километри празен.

Во ПСЖ одлучиле играчите да ги имаат на располагање удобностите на својот автобус, па затоа ќе го користат за кратките дестинации во Лисабон. За таа цел тој ќе помине 3.600 километри (во двата правци).

ПСЖ и Бенфика после двете кола имаат максимални шест бода во групата Х, Јувентус и Макаби кои ќе играат меѓусебе се без бодови.