Фелаини заминува, Мурињо веќе му најде замена

Маруан Фелаини најверојатно веќе ги спакува куферите и во зимскиот преоден рок ќе ја напушти Англија и Манчестер Јунајтед.

Со оглед дена неговиот договор завршува на крајот на сезоната, „црвените ѓаволи“ одлучија да го продадат во јануари со цел да заработат на неговата продажба.

Како што пренесуваат англиските медиуми Фелаини кариерата ќе ја продолжи во Турција, бидејќи Бешикташ веќе постигнал договор со Манчестер Јунајтед.

Последните информации од Островот говорат дека Мурињо пронашил замена за Белгиецот, а тоа е младата ѕвезда на Шахтјор, Фред. 24-годишниот играч за врска го привлече вниманието на многу европски гиганти, но „Специјалниот“ е спремен да ја победи конкуренцијата.