Фабио Канаваро пред нов тренерски ангажман

Тимот на Депортиво Ла Коруња е во потрага по нов тренер, а според последните информации тој би можел да пристигне од Италија.

Италијанските медиуми пренесуваат дека легендарниот Фабио Канаваро добил понуда од славниот шпански клуб и размислува истата да ја прифати.

Депортиво во минатото имаше бројни успеси, но сега игра во шпанската втора лига и сака да се врати во елитата. Сепак, засега не им оди бидејќи е во долиот дел од табелата.

Поради таквата ситуација тие се во потрага по нов тренер и Канаваро е најблиску до клупата.
Тренерската кариера Канаваро ја градеше во главно во Азија, додека во Италија ги предводеше Беневенто и Удинезе. Многу поголем успех оствари како фудбалер.