Уште малку и најдобар стрелец во историјата: Роналдо го помина Пеле!

Кристиано Роналдо постигна два гола во победата на Јувентус над Удинезе од 4:1.

Португалецот кој во февраури ќе наполни 36 години дојде до својот 758. гол во кариерата и го престигна на вечната листа Бразилецот Пеле (757).

Иако Бразилците тврдат дека постигнал повеќе од 1000 голови во кариерата, официјалните податоци говорат дека Пеле има 757.

Со вчерашните два гола Роналдо дојде пред Пеле и сега пред него е само еден човек, легендата на Славија Прага, Јозеф Бичан. Тој во кариерата на 530 натпревари од 1931 до 1955 година постигна 805 гола.

Ако погледнеме како игра Роналдо нема да биде чудо ако ја надмине и оваа бројка.