Уште една рапсодија на Србија на СП: Кошот на Филипини го наполнија до врв!

Репрезентацијата Србија стигна до уште една убедлива победа на Светското првенство.

Во второто коло од групата Д на Светското првенство во Кина репрезентацијата на Србија денес ја декласираше селекцијата на Филипини со резултат 126:67.

Претходно во првото коло Србија со 46 поени разлика ја победи Ангола, а денес Србите беа уште поубедливи.

Самиот резултат покажува каков натпревар одиграа избраниците на Александар Ѓорѓевиќ. Уште на полувремето имаа предност од 27 поени разлика (62:35).

Единствен во првиот дел кој не влезе во игра кај Србија беше Бобан Марјановиќ, меѓутоа во вториот дел одигра одлично.

 Минутажата помалку или повеќе Ѓорѓевиќ ја распореди кај сите играчи и овозможи сите да го почуствуваат теренот. На крајот најефикасен беше Немања Бјелица со 20 поени, Богдан Богдановиќ запиша 17 (пет асистенции), а Мирослав Радуљица застана на 13 поени и четири асистенции.

Во селекцијата на Филипини најефикасен беше Перез со 16 поени, Делистан уфрли еден помалку.

Во следното коло Србија за првото место во групата ќе игра против Италија.