УЕФА одлучи, се враќаат гостинските навивачи

Европската куќа на фудбалот (УЕФА) ќе дозволи присуство на гостински навивачи на натпеварите оваа сезона.

Поради пандемијата фудбалот повеќе од една година се играше пред празни трибини, но навивачите полека почнаа да се враќаат на стадионите.

Меѓутоа, на повеќето стадиони присуството на гостински навивачи не е дозволено, а иста беше ситуацијата и на европските натпреварувања.

Тоа ќе се промени, бидејќи УЕФА дозволи присуство на гостински навивачи, но тие ќе мора да се однесуваат според правилата во државата во која доаѓаат.

На натпреварите од Лигата на шампиони и Лига Европа ќе можат да присуствуваат само вакцинирани лица и со негативен тест.