Тухел: Се додека имаме дресови и клупски автобус ќе се бориме

Фудбалерите на Челзи и покрај сите проблеми со кој се соочи клубот по санкциите кон сопственикот на клубот Роман Абрамович вчера забележа победа од 3:1 против Норвич.

Ударот за „сините“ секако е голем, но тренерот Томас Тухел порача дека никој нема да се предаде.

„Среќен сум што уште сум тренер на овој клуб и на овие фудбалер. Знаеме што се случува, но нас не интересира само фудбалот. Промените се огромни од вчера до денес, но ова е ситуација на која ние не можеме да влијаеме. Одиме ден по ден и ќе видиме што се случува. Се додека имаме доволно дресови и клупски автобус ќе се бориме“, изјави Тухел.

Англиската фудбалска легенда Џејми Карагер вчера го советуваше Манчестер Јунајтед да ја искористи ситуацијата и да се обиде да го доведе Тухел.