Три европски гиганти „фрлија око“ на Спинацола

Леонардо Спинацола е еден од подобрите играчи на италијанската репрезентација која обезбеди четвртфинале на ЕП во кое ќе игра против Белгија.

Спинацола на два пати на ова Еуро беше избран за играч на натпреварот, па така и го сврте вниманието на себе.

28 годишниот фудбалер е дете на Јувентус, но во Торино не доби вистинска шанса, па откако беше испраќан на неколку позајмици заврши во Рома. Во Рома Спинацола е веќе две сезони. И во Рим Спинацола прикажуваше солидни настапи, меѓутоа на ЕП дефинитивно експлодираше.

Сега медиумите пишуваат дека Барселона, Реал Мадрид и Пари Сен Жермен застанале во редот за неговиот потпис. Останува да видиме до крајот на преодниот рок дали ќе ја напушти Рома и ако да кој ќе дојде прв до неговиот потпис.