После девет години заминува од Орландо: Трејдуван Никола Вучевиќ!

После девет години, Никола Вучевиќ го напушта Орландо.

Црногорскиот репрезентативец, Никола Вучевиќ е трејдуван од Орландо во Чикаго Булс, пренесува добро познатиот кошаркарски новинар Адријан Војнаровски.

Освен Вучевиќ, Орландо го трејдуваше и Ал-Фарук Амин, исто така во Булс, а од Чикаго кон Флорида ќе тргнат Ото Портер, Вендел Картер и два пика од првата рунда на драфтот, еден од оваа година, а другиот од 2023.

30 годишниот Никола Вучевиќ во Орландо помина дури девет години. Во клубот пристигна во 2012 година, а претходно беше дел од Филаделфија во сезоната 2011/12.

Here's the deal: The Bulls land Nikola Vucevic and Al Farouq Aminu for Otto Porter, Wendell Carter Jr., and two first-round picks. Huge addition for Chicago, who remains in pursuit of Lonzo Ball. The Magic are moving toward a rebuild now with Aaron Gordon deal on deck.

— Adrian Wojnarowski (@wojespn) March 25, 2021

Оваа сезона има одличен учинок од 24.5 поени, 11.8 скокови и 3.8 асистенции по натпревар, а беше дел и од „Ол-Стар“ натпреварот.

Ќе потсетиме, денес е последниот ден за трејдови во НБА.