Трет пат ја скина Ахиловата тетива и трет пат тоа беше против Ривер!

Фудбалерите на Ривер ја совладаа Бока во епскиот реванш од финалето во Копа Либертадорес на „Сантијаго Бернабеу“ со 3:1 после продолженија.

Еден од најискусните фудбалери од екипата на Бока, Фернандо Гаго е веројатно најголемиот „баксуз“ кога станува збор за натпреварите со лутиот ривал.

Поранешниот играч за врска на Реал поради повредите имаше послаба кариера отколку што можеше истата да биде доколку немаше толку проблеми.

Во последните три години Гаго секогаш доживуваше повреда на Ахиловата тетива и тие повреди секогаш се случуваа во натпреварите со Ривер.

Левата нога е најголемиот проблем. Во вчерашниот натпревар во игра влезе во 89-тата минута, но веќе на крајот на провото продолжение мораше да го напушти теренот, погодувате – поради повреда.

Бидејќи тренерот на Бока немаше веќе измени, неговата екипа до крајот на теренот остана со деветмина (претходно во 108-та минута останаа без Бариос кој заработи втор жолт картон).