Требаше да биде нов капитен на Јувентус, а сега е продаден за само 4 милиони

Даниеле Ругани важеше за најголемиот италијански талент кога простигна во Јувентус и многумина прогнозираа дека ќе биде наследник на Киелини.

Ругани пет години настапуваше за Јувентус, но не успеа да го покаже својот квалитет, па минатата година беше испратен на позајмица.

Јасно е дека за него повеќе нема место во тимот на „старата дама“, па Јувентус го стави на продажба.

Италијанските медиуми пренесуваат дека дефанзивецот кариерата ќе ја продолжи во Бетис, а двата клуба го договориле трансферот за 4 милиони евра.

Неговата кариера во последните години тргна во надолна линија, иако на почетокот му предвидуваа дека ќе биде новиот капитен на Јувентус.