Трансферот на Рабио во Јунајтед пред пропаѓање поради мајка му

Трансферот на Адриен Рабио од Јувентус во Манчестер Јунајтед може да пропадне, пренесуваат италијанските медиуми.

Двата тима постигнаа договор за трансфер на почетокот на неделата, но потоа дојде до застој на преговорите помеѓу Јунајтед и мајката на Рабио, Вероник, која е негов менаџер.

Таа побарала значително повисока плата, што не му се допаднало на раководството на „црвените ѓаволи“.

Рабио во Јувентус заработува 7 милиони евра по сезона, но за да прифати трансфер на „Олд Трафорд“ побарал минимум 10 милиони евра годишно.

Фудбалерот сака да игра во Лигата на шампиони и само за поголема плата би прифатил трансфер во Манчестер Јунајтед.