Трансферот на Обамејанг во Челзи може да пропадне поради тетоважа?

Челзи се уште не се откажал од трансферот на Пјер Емерик Обамејанг кого се обидува да го доведе на „Стенфорд Бриџ“.

Веќе десетина дена на големо се шпекулира дека Обамејанг е главна мета на Челзи и „сините“ се обидуваат да го доведат во финишот од преодниот рок. Според информациите Габонецот сериозно размислува да ја напушти Барселона после само половина година.

Обамејанг во Барселона пристигна кон крајот на јануари и одигра солидна полусезона. Но со доаѓањето на Роберт Левандовски стана јасно дека нема да биде прва опција кај Чави.

Поради тоа шпанските медиуми пренесуваат дека Обамејанг размислува за трансфер во Челзи затоа што кај Тухел во овој момент би бил прв напаѓач. Барселона исто така е заинтересирана да го продаде Габонецот, но само ако Челзи плати 25 милиони евра. За Каталонците тоа ќе биде одлична работа затоа што во јануари го доведоа бесплатно.

Сепак навивачите на Челзи не се премногу воодушевени од најавата за пристигнување на Обамејанг. Обамејанг пред Барселона долги години го носеше дресот на Арсенал и беше капитен на овој тим, а во тој период направи и тетоважа.

За навивачите на Челзи неприфатливо е Обамејанг со тетоважа од Арсенал да го носи дресот на Челзи. Ситуацијата со Барселона е поинаква затоа што познато е колкаво е ривалството помеѓу двата лондонски клуба.

Aubameyang could really be playing for Chelsea with an Arsenal tattoo on his arm 😅 pic.twitter.com/TuJZRg1X9j

— ESPN FC (@ESPNFC) August 18, 2022