Традицијата вели: Англија ќе биде европски шампион!

Вторпат во низа Англија ќе игра финале на Европско првенство, а досега „Гордиот Албион“ никогаш не бил шампион на Европа.

На Олимпискиот стадион во Берлин утре ќе играат против Шпанија за титулата, додека во финалето пред три години беа поразени од Италија на пенали.

Но, сега во Берлин на своја страна имаат една традиција. Имено, Англичаните никогаш не загубиле натпревар кој го играле во Берлин, а досега одиграле шест. Четири од тие натпревари завршиле со победа на Англија, додека во два ремизирале.

Последен пат во Берлин играа во март 2016 година проитив Франција во пријателски натпревар и славеа победа од 3:2. Во тој натпревар еден од головите постигна и Хари Кејн кој и утре ќе биде на теренот.