Тотенхем спрема понуда за голманот на Интер

Тотенхем е силно заинтересиран за голманот  на Интер, Андре Онана, пренесуваат англиските медиуми.

„Спарси“ бараат замена за Уго Лорис, кој е во тимот од 2012 година, но во последно време често се повредува и може да го напушти клубот на лето.

Интер има финансиски проблеми и на лето ќе мора да продаде некоја од своите ѕвезди. Поради тоа спортскиот директор на „нероаѕурите“ Пјеро Аусилио патувал во Лондон и имал средба со неколку клубови од Премиер лигата.

Интер е спремен да го продаде Онана бидејќи тоа ќе биде чиста заработка на клубот со оглед на фактот дека голманот пристигна без обештетување.