Торино донесе големо засилување од Рома!

Екипата на Торино го доби првото зимско засилување и потврди дека постигнал договор со Рома за трансфер на Хуан Мануел Итурбе.

Итурбе беше голема инвестиција на Рома, но никогаш не доби вистинска шанса на „Олимпико“, па јасно беше дека ќе ја промени средината.

Во јануари минатата година беше позајмен во Борнмаут, а оваа година Рома повторно се ослободи од него и договори 6-месечна позајмица во Торино.

23-годишниот крилен напаѓач ќе има шанса да ја „оживее“ својата кариера во тимот на Михајловиќ, а Торино ќе може да го откупи неговиот договор по завршување на сезоната.

Итурбе сигурно ќе биде големо засилување за „биковите“ и заедно со Љаиќ и Белоти ќе го формира еден од најдобрите напади во Серија А.