Тиаго Силва и Милан – „романса“ на која Бразилецот сака да и се врати!

Не би можел да го одбие повикот од „росонерите“ доколку секако го добие.

Тиаго Силва во Милан стана еден од најдобрите стопери во светот, а во Пари Сен Жермен стана еден од најплатените. Силва никогаш не криел дека еден ден би сакал да се врати во Милан.

Од неговото заминување многу работи се променија. Седумкратниот европски шампион, падна во проблеми и веќе неколку години не може ниту да се избори за учество Лигата на шампионите. Тука се и финансиските проблеми кои ги донесе мистериозниот сопствник од Кина.

„Милан е во моето срце и секогаш тоа ќе биде така. Не знам како би можел да кажам „не“ ако ме повикаат. Не е лесно да се зборува за иднината во фудбалот бидејќи никогаш не знаете што може да се случи. Се е можно! Кога би можел да ја завршам кариерата во Милан тоа би било нешто преубаво“, изјави Силва за „Газета дело Спорт“.