„Тиаго Силва беше преплатен и плачеше за нов договор“

Франциските медиуми пред неколку дена и официјално потврдија дека ПСЖ нема да му понуди нов договор на Тиаго Силва.

Искусниот Бразилец е слободен да си бара нов клуб, а ПСЖ реши да се ослободи од капитенот и од неговата висока плата.

Тиаго Силва пристигна во ПСЖ во 2012 година и беше еден од најплатените фудбалери во тимот со 12 милиони евра по сезона.

Поранешниот играч на ПСЖ, Жером Ротен „удри“ по Бразилецот и смета дека е преплатен и преценет фудбалер.

„Тој никогаш не беше како Серхио Рамос или Ван Дијк. Навистина е добар игра, но ментално не е толку силен. Кога плаќате толку многу за еден играч, мора да очекувате дека ќе ги направи и останатите подобри. Никаде не би заработил пари како што зеде во Париз“.