Тери: Не постои човек кој подобро ќе го води Челзи од Лампард

Поранешниот фудбалер на Челзи, Џон Тери верува дека Лампард е вистинскиот човек за „сините“.

Лондонскиот клуб се уште не го потврдил ангажманот на Лампард, но доби дозвола од Дерби да започне преговори со својот поранешен играч.

Тери и Лампард заедно играа во Челзи и во тој период освоија три титули во Премиер лигата.

„После сезоната која ја имаше со Дерби и забраната за трансфери која ја доби Челзи, не постои човек кој може подобро да го води Челзи. Тајмингот е совршен и за него и за клубот.

Френк беше под притисок да успее во Челзи уште од кога дојде од Вест Хем и никогаш не бегаше од тоа. Уживаше и стана најдобар играч во историјата н Челзи“.

„Она што го прави таков е неговата желба да го извлече најдоброто и од себе и од другите. Кога ќе завршеше тренингот тој тренираше слободни удар сам уште половина час. Луѓето не сфаќаат колку е посветен на својата работа, таков беше како играч, таков е и како менаџер“, изјави Тери.

Тери верува дека навивачите ќе го поддржат доаѓањето на Лампард на местото на Маурицио Сари кој се врати во Италија и го превзема Јувентус.