Терзиќ: Реал не заслужи да победи, но има убиствен инстикт

Тренерот на Борусија Дортмунд, Един Терзиќ истакна дека неговиот тим не заслужил пораз од Реал Мадрид во финалето.

„Одигравме одличен натпревар и можеби заслуживме нешто повеќе. Особено во првото полувреме почувствувавме дека го имаме тоа во себе и можеме да победиме. Покажавме дека имаме верба. Направивме толку многу работи како што треба и единствената разлика е што тие имаа убиствен инстинкт. Тогаш тоа го покажува квалитетот што го имаат и затоа заслужуваат повторно да бидат шампиони“, изјави Терзиќ.

„Ова беше фантастично патување, но и јас се чувствувам празно бидејќи имавме одлична можност, но не ја искористивме. Ова беше последниот натпревар во сезоната, беше многу емотивно во соблекувалната. Навистина одигравме добар натпревар, тоа е позитивното нешто што треба да го паметиме“, додаде Терзиќ.