Тен Хаг: Роналдо е минато, ние гледаме кон иднината

Менаџерот на Манчестер Јунајтед, Ерик тен Хаг не сакаше да зборува за Кристиано Роналдо и даде остар коментар за Португалецот.

Роналдо минатиот месец го раскина договорот со „црвените ѓаволи“ после контроверзното интервју во кое ги нападна сите во клубот.

„Како што кажав и претходно, Роналдо е минато, нашите погледи се кон иднината. Сакаме да изградиме нова иднина за Манчестер Јунајтед, и тој не сакаше да биде дел од тоа. Живтот продолжува. Не сакам да трошам енергија на интервјуто, тоа е минато“, прокоментрира Тен Хаг, а потоа одговори дали клубот бара замена за Роналдо.

„Да, но само доколку најдеме вистинско засилување. Дали Коди Гакпо е опција? Не сакам да коментирам за конкретни имиња, никогаш не го правам тоа, но верувајте, работиме да го донесеме вистинското засилување“.