Тајниот фаворит за освојување на Премиер лигата

Трансфер периодот во фудбалска Европа е во тек, а веќе се објавени некои големи работи.

Така, Ромелу Лукаку во рекордниот трансфер стана нов член на Манчестер Јунајтед, а се засилуваа и другите тимови од врвот на Премиер лигата.

Пазарот повторно е најинтересен на Островот каде што има најголема концентрација на пари. Англичаните можат да го купат речиси секој што ќе им падне на памет, но и таму постојат клубови кои внимателно ја третираат секоја фунта.

Ги нема многу, но се уште се живи и работата да биде до крајот интересна, еден таков тим е најверојатно и најсериозен кандидат за кочениот успех и освојување на Премиер лигата.

Тоа, се разбира е Тотенхем. Можеби некои нема да го делат ваквото мислење, но „Петлите“ се навистина многу сериозен тим во борбата за самиот врв од една причина.

За сега ги одбија сите напади и го задржија тимот заедно. Единствено само заминувањето на Кајл Вокер е неизвесно, но и тоа нема да биде проблем бидејќи замената во ликот на Киеран Трипиер веќе e воиграна, дури и на репрезентативно ниво.

Хари Кејн остана како и Деле Али, обраната исто така, одбиени се понудите и за Дајер и Ериксен. Се изгледа одлично за познатиот лондонски клуб кој сигурно нема многу да купува. Можеби само неколку млади играчи за да ја засили конкуренцијата во тимот, и да стекнат искуство…

Ќе видиме, додека сите многу купуваат, од аголот демне непосреден и подготвен тим. Можеби конечно дојде времето титулата да се слави во соблекувалната на Тотенхем. По два опасни, но неуспешни обиди, можеби сега конечно се е спремно.