Тажна вест од Англија: Почина поранешниот тренер на Лестер

Тажна вест доаѓа од англискиот фудбал, поранешниот менаџер на Лестер, Крег Шекспир, почина овој четврток по долга борба со ракот.

Шекспир почина на 60-годишна возраст, по деветмесечна битка со опасна болест, потврди неговото семејство и Лестер.

– Сите од клубот испраќаат сила и поддршка на семејството на Крег – соопшти директорката на Лестер, Сузан Вилан.

Шекспир е најдобро запаметен по тоа што раководеше со Лестер во сезоната после шампионската кога го замени Клаудио Раниери, но не остана долго во 2017 година и покрај тоа што стана првиот англиски тренер кој победил на четири старта во исто толку натпревари во Премиер лигата.

Работеше како асистент во ВБА, Хал, Вотфорд, Астон Вила и Норич, како и во репрезентацијата на Англија, а последен ангажман му беше лани како привремено решение во Лестер по испаѓањето од Премиер лигата.