Суспензијата се исплатела: Наинголан денес позитивно ги изненадил сите во Интер

Фудбалерот на Интер, Раџа Наинголан вчера беше суспендиран од страна на Интер поради кршење на дисциплинскиот правилник.

Во Интер најмалку што посакуваат е нарушување на атмосферата, па одлучија да го казнат Наинголан поради доцнењето на тренингот. Освен суспензијата за дербито против Наполи, Наинголан беше казнет и со 100.000 евра.

Овој потег на Интер изгледа вродил со плод бидејќи ако им веруваме на италијанските медиуми Наинголан денес на тренингот на Интер се појавил 15 минути пред сите останати играчи.

Фудбалерот изгледа сфатил дека не може да се однесува како што тој сака, па го поправил своето однесување, а можеби неговиот ваков потег е показател дека работите ќе одат во добар правец.