Сусо: Бев на чекор од трансфер во Интер

Поранешната ѕвезда на Милан, кој моментално игра на позајмица во Севиља, Сусо призна дека бил блиску до трансфер во Интер.

Сусо неколку години беше прва ѕвезда и најдобар поединец на Милан и призна дека одбил да се пресели во градскиот ривал од почит кон клубот.

„Разговарав со Фиорентина минатото лето, со Рома немаше ништо конкретно. Меѓутоа, бев многу блиску до трансфер во Интер. Добив понуда и Спалети ме контактираше лично, навистина сакаше да бидам во неговиот тим. Тоа беше тим кој играше интересен фудбал и беше одличен за моите карактеристики. Трансферот беше на чекор до реализација, но не сакав да преминам во Интер од почит кон Милан“, открива Сусо.

Шпанецот додаде дека во Севиља се чувствува одлично и дека би сакал да остане во клубот и после позајмицата.