Страотни сцени: Сопругата на Валверде со дете во раце бега од хаосот на трибината

НЕВЕРОЈАТНИ сцени го одбележаа полуфиналето на Копа Америка, во кое Колумбија го победи Уругвај со 1-0 и се пласира во финалето каде за противник ќе ја има Аргентина.

Сепак, по натпреварот никој не зборуваше за фудбал, туку за невиденото дивјаштво кое следуваше на трибините.

Семејствата на играчите на Уругвај беа на трибините опкружени со навивачи на Колумбија. По натпреварот Дарвин Нуњез, напаѓачот на Уругвај и Ливерпул забележал дека Колумбијците физички ги напаѓаат членовите на неговото семејство, меѓу кои и малите деца. Веднаш се качи на трибината и таму со тупаници преку десетици колумбиски навивачи се проби до своите најблиски.

Excelente los jugadores uruguayos defendiendo a sus familiares, merecían más trompadas los colombianos boludos estos. pic.twitter.com/K7Xx1TEDCJ

— Valverde Del Cap (fan) (@papadenaciomaI) July 11, 2024

Набрзо му се придружија и други уругвајски фудбалери, кои исто така мораа да се тепаат со ривалските навивачи за да ги заштитат своите семејства.

Сега се појави уште една таква снимка. На неа се гледа како Мина Бонино, сопругата на Феде Валверде, бега со дете во раце за да се спаси од хаосот што владееше на трибината. Бонино со асот на Реал и Уругвај има два сина. Едниот има 4 години, а другиот само што наполни една година. Нејасно е со кого бега од трибината додека таму беснее масовна тепачка и летаат тупаници и чаши.

That woman that’s holding her kid is Fede Valverde’s partner. She got a cup or bottle thrown at her. If it wasn’t for the guy in front that hits her kid… Truly shameful pic.twitter.com/2hTP7DWYNG

— Elmer Guzman (@ElmrG94) July 11, 2024