Стигна потврда: Серија А се враќа на 13-ти јуни

Шампионатот во Серија „А“ ќе се врати на 13 јуни, официјално објави италијанската фудбалска лига.

Од следниот понеделник тимовите ќе можат да тренираат, бидејќи во моментов се дозволени само индивидуални тренинзи.

Управата на Серија А донесе одлука сезоната да продолжи на 13 јуни и сега се чекаше само зелено светло од владата. Сега претседателот на Националниот комитет за спорт, Џовани Малаго потврди дека Серија А ќе продолжи на тој датум.

„Серија А ќе продолжи на 13-ти јуни, тоа е сигурно 99,99%. Сепак, во моментов е тешко да се предвиди кога ќе заврши сезоната“, потврди Малаго.

Натпреварите ќе се играат со посебен протокол и без публика.

#Malagò: "La A al 99% riparte il 13 giugno. Ma per sapere se finirà serve la palla di vetro" #SerieA #ripartenza #coronavirus https://t.co/semhj1IFNy #serieA

— LaGazzettadelloSport (@Gazzetta_it) May 14, 2020