Србите изненадени: Матиќ ја напушти репрезентацијата

Фудбалската јавност во Србија доби неочекувана вест откако еден од најдобрите репрезентативци најави дека повеќе нема да го носи дресот на „орлите“.

Ѕвездата на Манчестер Јунајтед одлучи да ја напушти репрезентацијата затоа што е незадоволен од работењето на сојузот на Србија. Како што се пишува во медиумите Матиќ ова им го соопштил на челните луѓе во српскиот фудбал и селекторот Тумбаковиќ.

Спортскиот директор на репрезентацијата Владимир Матијашевиќ имал неуспешни обиди да го премисли во неговата одлука.

Неговото отсуство би можело да се одрази на играта на „орлите“ затоа што тој беше еден од најважните во селекцијата на теренот.